Dy punonjës të një kopshti zoologjik në Kharkiv, të cilët qëndruan në qytet për t’u kujdesur për kafshët mes bombardimeve të vazhdueshme nga forcat ruse, u gjetën të vrarë, sipas një deklaratë të kopshti zoologjik të martën, shkruan CNN.

Sipas informacioneve, punonjësit ishin qëlluar dhe vrarë nga ushtarët rusë dhe u gjetun të mbyllur në një dhomë. Disa kafshë u evakuuan gjatë granatimeve, tha kopshti zoologjik, duke përfshirë luanë, jaguar, dhelpra dhe hiena.

Por dy nga punonjësit qëndruan për të ushqyer kafshët e mbetura. Kur pjesa tjetër e stafit u kthye më 7 mars, punonjësit nuk ndodheshin aty, sipas deklaratës së kopshtit zoologjik.

Kharkiv, i cili shtrihet në verilindje të Ukrainës, është përballur me granatime dhe sulme intensive që nga fillimi i pushtimit rus. Presidenti ukrainas Volodymyr Zelensky tha se si pasojë e sulmeve ruse, janë vrarë 5 civilë dhe janë plagosur 15 të tjerë të dielën.

Ai tha gjithashtu se gjatë ditëve të fundit, janë vrarë 18 persona dhe janë plagosur 106 për shkak të sulmeve ruse./abcnews.al/